Upphafsfundur í Borgarleikhúsinu.

Undirbúningur fyrir hönnun nýs Landspítala hófst fyrir alvöru 1. febrúar 2006 með fundi hátt á þriðja hundrað starfsmanna spítalans og Háskóla Íslands með ráðgjöfum danska fyrirtækisins CF Møller, vinningshöfum hugamyndasamkeppninnar um skipulag spítalalóðarinnar. Danska fyrirtækið var ráðið til að sinna tilteknum verkefnum fyrir framkvæmdanefndina um byggingu nýs háskólasjúkrahúss og á fundinum undirrituðu Jón Kristjánsson, þáverandi heilbrigðis- og tryggingamálaráðherra, og fulltrúi C.F. Møller samkomulag  sem nær annars vegar til gerðar deiliskipulagstillögu og hins vegar til vinnu vegna þarfagreiningar fyrir nýja sjúkrahúsið.

Þarfagreining
Fjörutíu og fjórir notendahópar tæplega 300 starfsmanna LSH og HÍ taka þátt í þarfagreiningu vegna hönnunar nýs sjúkrahúss. Hlutverk þeirra er að taka saman nákvæmt yfirlit yfir starfsemina sem á að fara fram á hinum nýja spítala og hvernig þeirri starfsemi verði best fyrir komið. Samráð er einnig við samtök sjúklinga. Að lokinni þarfagreiningu hefst endurskoðun vinningstillögunnar að skipulagi spítalalóðarinnar og byggist hún á þarfagreiningunni. Munu 6-8 ráðgjafar, sérfræðingar í starfsemi sjúkrahúsa og háskólastarfsemi, vinna við að setja fram þarfir nýs spítala miðað við árið 2025.

Deiliskipulag er hefðbundið og lögbundið skipulagsferli, sem felur í sér samráð og samvinnu við skipulagsyfirvöld og samráð og kynningu gagnvart íbúum. Tillaga að deiliskipulagi Landspítalalóðarinnar er unnin í nánu samstarfi við ráðgjafa CF Møller, höfunda vinningstillögunnar um skipulag lóðarinnar.

Við allan undirbúning verkefnisins er við það miðað að framkvæmdir geti hafist árið 2010.

Kynningafundurinn 1. febrúar 2006 var fyrsti almenni fundur nefndar sem skipuð var til að stjórna uppbyggingu nýs Landspítala við Hringbraut með starfsmönnum LSH og HÍ.

Dagskrá upphafsfundsins 

Nýtt HÁSKÓLASJÚKRAHÚS við Hringbraut -  Snorrabraut 60  - 105 Reykjavík  -   postur@haskolasjukrahus.is